Walay Sud an
Ang kinabuhi sa kabukiran maanindot gayud kaau. Walay Sud an,Preskong hangin, presko ang mga utanun ug labi na dool sa pamilya ug mga silingan. Ako lamang e share kaning akong mga video dha sa atong barangay sa Luna. Kinsa kaninyo ang nakasulay niini?
Usahay dili gayud nato malikayan nga muabot na gani ang kahaponon. Mabusy na dayun kita pangita ug hunahuna unsa na ba sad atong sud anun. Makadumdum ko kaniadto, sa kalisod sa kinabuhi ako man ang tig luto samtang ang ang akong ginikanan busy sa pag uma. Bisag unsa nalang ang akong mahuna hunaan nga lutoon. Gamiton ko lang ang akong mga mata ug porok sa pagpangita sa maayung ikasagol sa sabaw sa palibot sama na lamang sa lutya ug uban pang mga dahun dahun.
Kini usa sa akong paborito nga sud anun. Ang poso sa saging nga pwede pagalutoon sa bisag unsang paagi. Pwede kini himoong adobo , subakan mo lang sa tinapa og kung walay tinapa pwede ra gihapon nga toyo ra ang isagol ug gisahun lamian na. Pwede pod kining lutoon sagulan ug gata sa lubi ug subakan sa bulad. Kung gusto pod ug pinamala pwede pod kining prituhon sagulan sa itlog ug uban pang lamas. Oh diba sulbad na ang panihapon ta? Ania akoy video sa akong mga igsoon nga nanguha ug poso sa saging , akong maguwang nga si Marlon ug akong manghud nga si Reres. Kanang maong poso sa saging maoy among gisud an sa panihapon gigisa ug gisagulan ug tinapa. Lamian gyud!
Daghang salamat sa paglantaw.
PS. Pagkahuman namog panguha anang poso, namayabas pa mi ug pagkahuman nanigway dayun mig bata. Perteng lingawa.Just sharing.
Aduna kay e ka share? Share lang dinhe libre.